Son Xəbərlər
•Donald Tramp İrana təşəkkür etdi •İlham Əliyev Rəcəb Tayyib Ərdoğana başsağlığı verdi •İlham Əliyev qanun imzaladı •AQEM-in Azərbaycanda keçiriləcək sammitinə hazırlıqlar müzakirə olunub •Rauf Cabbarov: “Kibertəhdidlərin qarşısının alınmasında dövlət-özəl tərəfdaşlığı xüsusi əhəmiyyət daşıyır”
NEWSBAKU.AZ
|
Təhsil

Samuxda "Ərik Festivalı" Bəhanəsi: Məktəblərdə Qanunsuz Pul Yığımı İddiası

02 May, 2026 09:27 0
Paylaş:
Samuxda "Ərik Festivalı" Bəhanəsi: Məktəblərdə Qanunsuz Pul Yığımı İddiası

Samux rayonunda keçirilməsi planlaşdırılan 3-cü Ərik Festivalı ərəfəsində yerli təhsil müəssisələrindən daxil olan şikayətlər ciddi narazılığa səbəb olub.

Newsbaku.az -ın  Redaksiyamıza daxil olan məlumatlara görə, festival bəhanəsi ilə rayonun bir neçə məktəbində kütləvi şəkildə pul yığılması prosesinə start verilib. Tehsilmedia.infonun əldə etdiyi məlumata əsasən, qanunsuz vəsait toplanması halları xüsusilə Qarayeri qəsəbə 1 saylı məktəb-liseydə daha qabarıq şəkildə özünü göstərir.

Bildirilir ki, müəllimlərdən imkanlarına görə 10, 20 və ya 30 manat civarında vəsait tələb olunur. Pullar məktəb rəhbərliyi tərəfindən daxildə təyin olunmuş xüsusi şəxslər vasitəsilə toplanır. Bu kimi halların təkcə cari tədbirlə məhdudlaşmadığı, digər bayram və tədbirlərdə də analoji yığımın təkrarlandığı iddia edilir. ​Sözügedən vəziyyət müəllim heyəti arasında böyük narazılığa yol açıb.

Qeyd olunur ki, könüllülük prinsipi adı altında aparılan bu proses, əslində məcburi xarakter daşıyır. Pedaqoqlar hər il təkrarlanan bu "ənənənin" dayandırılmasını və təhsil mühitinin bu cür hallardan təmizlənməsini gözləyirlər. Hazırda bu tapşırığın hansı qurum və ya vəzifəli şəxs tərəfindən verildiyi aydınlaşdırılmağa çalışılır. Qeyd edək ki, Ərik Festivalı hər il iyun ayında Samux rayonunda ənənəvi olaraq qeyd edilir.

Lakin dövlət səviyyəsində maliyyələşməli olan bu növ tədbirlərin yükünün müəllimlərin çiyninə qoyulması ciddi qanun pozuntusu kimi qiymətləndirilir.

Newsbaku.az