Son Xəbərlər
•Donald Tramp İrana təşəkkür etdi •İlham Əliyev Rəcəb Tayyib Ərdoğana başsağlığı verdi •İlham Əliyev qanun imzaladı •AQEM-in Azərbaycanda keçiriləcək sammitinə hazırlıqlar müzakirə olunub •Rauf Cabbarov: “Kibertəhdidlərin qarşısının alınmasında dövlət-özəl tərəfdaşlığı xüsusi əhəmiyyət daşıyır”
NEWSBAKU.AZ
|
Cəmiyyət

Komitə azyaşlılarla bağlı məlumatların yayılmasına dair ÇAĞIRIŞ EDİB

29 April, 2026 17:33 0
Paylaş:
Komitə azyaşlılarla bağlı məlumatların yayılmasına dair ÇAĞIRIŞ EDİB

Ailə, Qadın və Uşaq Problemləri üzrə Dövlət Komitəsi azyaşlılarla bağlı məlumatların paylaşılmasında həssaslıq göstərilməsi ilə bağlı media nümayəndələrinə və sosial şəbəkə istifadəçilərinə müraciət edib.

Newsbaku.az -ın xəbərinə görə, Komitədən bildirilib ki, uşaqlarla bağlı ad, soyad, yaşadıqları ünvan, təhsil aldıqları müəssisə, ailə üzvləri və onların şəxsiyyətini müəyyən etməyə imkan verən digər məlumatların ictimailəşdirilməsi qanunvericiliyin tələblərinə ziddir və media etikasının əsas prinsiplərini pozur.

Qeyd olunub ki, uşaqlar cəmiyyətin ən həssas təbəqəsidir və onların hüquqlarının qorunması hər bir media subyekti və sosial şəbəkə istifadəçisinin birbaşa məsuliyyətidir. Məlumatların yayımı zamanı azyaşlıların təhlükəsizliyi, psixoloji rifahı və gələcək həyatına mümkün təsirlər mütləq nəzərə alınmalıdır.

Komitə bir daha vurğulayıb ki, etik normalara riayət edilməsi yalnız hüquqi öhdəlik deyil, həm də sağlam və məsuliyyətli cəmiyyətin formalaşmasına xidmət edən əsas dəyərlərdəndir.

Newsbaku.az