Son Xəbərlər

•Donald Tramp İrana təşəkkür etdi •İlham Əliyev Rəcəb Tayyib Ərdoğana başsağlığı verdi •İlham Əliyev qanun imzaladı •AQEM-in Azərbaycanda keçiriləcək sammitinə hazırlıqlar müzakirə olunub •Rauf Cabbarov: “Kibertəhdidlərin qarşısının alınmasında dövlət-özəl tərəfdaşlığı xüsusi əhəmiyyət daşıyır”

Hakan Fidan müharibə xəbərdarlığı etdi

12 May, 2026 20:21 0

Paylaş:

Hakan Fidan müharibə xəbərdarlığı etdi

Türkiyə xarici işlər naziri Hakan Fidan ABŞ-İran danışıqlar prosesində çətin anların yaşandığını, amma hər iki tərəfin müharibəyə son qoymaq istədiyini bildirib.

Newsbaku.az xəbər verir ki, bu barədə o, Qətər xarici işlər naziri Məhəmməd bin Əbdülrəhman əl-Tani ilə mətbuat konfransında danışıb. "Danışıqların bəzi mürəkkəb aspektləri var. Amma mən müsbət aspektlərdən danışmaq istəyirəm.

Hər iki tərəf müharibəyə son qoymaq istəyir. Hörmüz boğazını açmaq və gəmilərin sərbəst hərəkətinin təmin edilməsi məsələsini həll etmək istəyirlər. Mövqe və niyyətləri budur.

Problem bunun necə formalaşdırılması və kağız üzərində rəsmiləşdirilməsi ilə əlaqəlidir, yəni söhbət hər iki tərəfin bunu qəbul etməsi ilə bağlıdır. Hazırda tərəflər arasında mesaj mübadiləsi davam edir", - Fidan vurğulayıb. Türkiyə xarici işlər nazirinin sözlərinə görə, müharibəyə qayıtmaq yalnız dağıntıların miqyasını artıracaq:

"Hörmüz boğazından silah kimi istifadənin qarşısını almaq regional təhlükəsizlik, sabitlik və qlobal iqtisadiyyat üçün çox vacibdir.

Bu baxımdan, təhlükəsiz keçidi təmin etmək və gələcəkdə mövcud vəziyyətə qayıtmanın qarşısını almaq üçün bütün səyləri dəstəkləyirik.

Biz bu səylərdə iştirak edirik və prioritetimiz dinc və diplomatik həldir".

Newsbaku.az