Son Xəbərlər

•Donald Tramp İrana təşəkkür etdi •İlham Əliyev Rəcəb Tayyib Ərdoğana başsağlığı verdi •İlham Əliyev qanun imzaladı •AQEM-in Azərbaycanda keçiriləcək sammitinə hazırlıqlar müzakirə olunub •Rauf Cabbarov: “Kibertəhdidlərin qarşısının alınmasında dövlət-özəl tərəfdaşlığı xüsusi əhəmiyyət daşıyır”

Ermənistan Azərbaycandan idxalın həcmini açıqladı

17 April, 2026 14:39 0

Paylaş:

Ermənistan Azərbaycandan idxalın həcmini açıqladı

Ermənistan Dövlət Gəlirlər Komitəsinin Gömrük Xidməti və İqtisadiyyat Nazirliyi 2025-ci ilin noyabrından 2026-cı il aprelin 15-dək Azərbaycan ərazisi ilə və birbaşa Azərbaycandan idxal olunan mallarla bağlı məlumatları açıqlayıb. “Armenpress”ə istinadən məlumatına görə, bu dövrdə Azərbaycan ərazisi ilə Rusiyadan və Qazaxıstandan Ermənistana ümumilikdə 26 295 ton mal daşınıb. “Azərbaycan ərazisi ilə Ermənistana Rusiya Federasiyası və Qazaxıstandan 26 295 ton mal, həmçinin Azərbaycandan 9 337 ton yanacaq idxal olunub”, – məlumatda qeyd olunub. Açıqlamada vurğulanıb ki, “regional əməkdaşlıq və sülhün nəticələri artıq hiss olunur və iqtisadi inkişaf üçün yeni imkanlar formalaşdırır”. Gömrük xidmətinin məlumatına görə, Azərbaycan ərazisi ilə dəmir yolu ilə ilk tranzit yük daşınması 6 noyabr 2025-ci ildə həyata keçirilib. Rusiyadan və Qazaxıstandan 24 865 ton buğda, 1 362 ton gübrə və 68 ton qarabaşaq yarması idxal edilib. Bundan əlavə, 2025-ci ilin dekabrından 2026-cı il aprelin 15-dək Gürcüstan ərazisi ilə Azərbaycandan Ermənistana 9 337 ton yanacaq idxal olunub. Bunun 5 398 tonunu dizel yanacağı (4,3 milyon ABŞ dolları), 3 939 tonunu isə benzin (2,9 milyon ABŞ dolları) təşkil edib.

News Baku.az