Son Xəbərlər
•Donald Tramp İrana təşəkkür etdi •İlham Əliyev Rəcəb Tayyib Ərdoğana başsağlığı verdi •İlham Əliyev qanun imzaladı •AQEM-in Azərbaycanda keçiriləcək sammitinə hazırlıqlar müzakirə olunub •Rauf Cabbarov: “Kibertəhdidlərin qarşısının alınmasında dövlət-özəl tərəfdaşlığı xüsusi əhəmiyyət daşıyır”
NEWSBAKU.AZ
|
Cəmiyyət

İşdən çıxarılan Barat Yusubovdan İLK AÇIQLAMA: “O vəzifəni mən istəməmişdim”

24 April, 2026 13:46 0
Paylaş:
İşdən çıxarılan Barat Yusubovdan İLK AÇIQLAMA: “O vəzifəni mən istəməmişdim”

“Vallah, mən xoşbəxtəm”.

Bunu Newsbaku.az-a bir neçə gün əvvəl “Yeni Klinika”nın direktoru vəzifəsindən azad edilən Barat Yusubov bildirib. O, vəzifədən azad edilməyini normal hal kimi qiymətləndirib: “Açıq deyim, o vəzifəni mən istəməmişdim.

Uyğun bilib, dəvət edib, məni o vəzifəyə təyin etmişdilər. Bacardığımız qədər işlədik, indi də getməyimi uyğun bildilər, getdim. Həqiqətən səmimi deyirəm, mən o bürokratlardan deyiləm. Mənim üçün vəzifə bir layihədir. Allaha şükür ki, qarşıma qoyduqları məsələləri, rəqəmləri də uğurla yerinə yetirdim. İndi də başqası gələcək, ona da bir başqa tapşırıq veriləcək.

Mənə görə vəzifə deyilən bir anlayış yoxdur. Bir layihə var, o layihəni həyata keçirmək var. Mən bu layihəni bitirdim. Mənim üçün bu qədər”. B.Yusubov xarici ölkələrdən birinə köçüb-köçməyəcəyi ilə bağlı iddialara da aydınlıq gətirib:

“Hələ ki istirahət edirəm. Heç bir fikrim yoxdur”. Qeyd edək ki, iki gün əvvəl “Yeni Klinika”nın direktoru Barat Yusubov vəzifəsindən azad olunub.

Newsbaku.az